Sam fer í dokk í morgin

Í vikuni varð boðað frá, at Sam væntandi fór í dokk 6. januar, og at Jósup fer at sigla á leið 56 millum Klaksvík og Syðradal fyri Sam, meðan hann er í dokk.

Eisini varð boðað frá, at Ternan fór at sigla tveir farmatúrar um vikuna í hesum tíðarskeiðnum.

Men í dag boðar heimasíðan hjá Strandferðsluni frá, at Sam má í dokk longu í morgin orsakað av tekniskum breki.

Tí mugu bilar, sum skulu av Kalsoynni, av oynni í dag, sigur Strandferðslan.

Síðsti túrur hjá Sam í dag verður ikki sigldur, og kemur meira kunning seinni.