2022-10-29 10:05
Í gjárkvøldið var eitt ferðsluóhapp á Vegnum Langa í Hoyvík, har tveir bilar, sum komu koyrandi ímóti hvørjum øðrum, rendu saman.
Tríggir persónar vóru í ferðsluóhappinum. Umframt bilførararnir var eitt barn eisini í eina bilinum.
Tíbetur var eingin fólkaskaði, sigur vaktleiðarin á løgreglustøðini í Havn, men materielli skaðin var stórur.
Av løgreglustøðini verður eisini upplýst, at seinasta náttin sum heild hevur verið stak friðarlig. Tó varð ein persónur tikin fyri rúsdrekkakoyring í Eysturoynni. Blóðroynd er tikin av bilføraranum, og bíðað verður nú eftir úrslitinum.
Vinarliga broyt tínar kennifíla - og privatlívsstillingar fyri at síggja hetta innihald