Samanstoytur í Vágatunlinum

Dagføring kl. 16:02: Vegurin er ruddaður, og ferðslan koyrir nú aftur

---

Vágatunnilin er í løtuni stongdur í báðum síðum, og tað verður hann næstu góðu løtuna. Løgreglan fekk 14:31 fráboðan um ferðsluóhapp í tunlinum. Tað var ein bilur sum koyrdi úr Vágum í Streymoynna sum rendi í reyvina á einum bilum frammanfyri.

Fólkini sita enn í bilinum, men løgreglan heldur ikki at talan er um álvarsligan fólkaskaða.

Enn er ógreitt nær tunnilin letur upp aftur. Væntandi verður farið í gongd hvørja løtu at fáa fólkini úr bilinum. Tað kann vera við at klippa bilarnar sundur ella upp á aðrar mátar, sigur vaktleiðarin á løgreglustøðini.

Sum skilst eru langar bíðirøðir í báðum endum.