Sambandið er aftur størsti flokkur

Sambandsflokkurin er tann flokkurin, sum hevur størstu undirtøku millum veljararnar nú.

Tað vísir ein nýggj veljarakanning, sum Spyr.fo gjørdi fyri Blaðið Vikuskifti og Portal.fo mikudagin.

26,3 prosent av veljarunum siga seg fara at velja Sambandsflokkin nú. Tað er 6,3 prosentstig meira enn á løgtingsvalinum í desember 2022. Um hetta var valúrslitið, hevði Sambandsflokkurin gingið fram við tveimum tingsessum og fingið 9.

Fólkaflokkurin stendur til at fáa 25,2 prosent av atkvøðunum, sum gevur 8 tingsessir.

Teir báðir borgarligu flokkarnir fáa sostatt 17 tingsessir tilsamans, sum hevði verið nóg mikið til at skipa samgongu tveireinir, vísir veljarakanningin hjá Blaðnum Vikuskifti.

Síggj alla veljarakanningina ókeypis í Blaðnum Vikuskifti her