Samráðast í tinginum í kvøld

- Eg samráðist ikki í miðlunum.

Tað prinsippið heldur formaðurin í Sambandsflokkinum fast uppá, nú samráðingarnar eftir øllum at døma nærkast endanum. Ella, tað er ikki ordiliga til at vita, tí Bárður á Steig Nielsen vil ikki rættiliga siga hvussu langt, tey eru komin.

Í kvøld eru tingmanningarnar og varðafólk hjá øllum trimum flokkunum, Fólkaflokkinum, Sambandsflokkinum og Miðflokkinum, savnaðar í løgtinginum har samráðst verður.

Sum skilst verður samgonguskjalið í løtuni reinskrivað. Bárður á Steig Nielsen sigur við Portalin í kvøld, at hann helst vil hava alt upp á pláss í kvøld, so hann á middegi í morgin kann boða tingformanninum frá, at hann ætlar at skipa eina ABH-samgongu.