Samráðingar framskundaðar til í morgin

Tað var ætlanin, at semingsfundur skuldi vera fríggjadagin klokkan 13, men nú er hetta broytt.

- Vit hava umhugsað støðuna av nýggjum og hava avrátt at byrja seinnapartin í morgin, sigur Terje Sigurðsson, semingsmaður, við útvarpið.

Hetta skal gerast so skjótt sum til ber, og tað vísir seg, at tað ber til í morgin, sigur semingsmaðurin.

Fundurin byrjar klokkan 15 í morgin, og væntandi verður samráðst alt vikuskifti.