Samráðingarnar eru byrjaðar aftur

Í gjár hittust Starvsmannafelagið og Lønardeildin í Fíggjarmálaráðnum fyri fyrstu ferð í nýggja árinum. Men eingin sáttmáli er gjørdur enn, og fundur verður aftur týsdagin, skrivar Kringvarpið.

Umframt Starvsmannafelagið er Lønardeildin eisini farin at samráðast við Lærarafelagið og felagið hjá sjúkrarøktarfrøðingunum, og í næstu viku verður tosað við Akademikarafelagið.

Tað var í oktober í fjør, at sáttmálarnir hjá 15 fakfeløgum fóru úr gildi, og fyrsti samráðingarfundurin var 17. oktober millum Lønardeildina og Starvsmannafelagið.

Miðað verður eftir at fáa sáttmálarnar við stóru fakfeløgini avgreiddar fyrst.