Sandavágsmenn á fjall at sláa tunnu

Eftir middag fóru sandavágsmenn til fjals í koti og føroyskari húgvu. Ikki at reka seyð, men at sláa tunnu.

Seinnu árini hava nakrir menn í bygdini sligið tunnu fastalávintsmánadag, og í ár var roynt at sláa tunnu uppi á Reynabrúgv, sum liggur nakað omanfyri Sandavág. Niðan við sær bóru teir plankar, so teir fingu riggað sær ein gálga til.

(Mynd: Jn.fo)

Veðrið var gott, og tað tók einar tveir tímar at fáa tunnuna niður, og kattakongur gjørdist Andras á Lofti.

(Mynd: Jn.fo)

Nú eru teir komnir oman aftur í bygdina, har ræst kjøt verður á skránni.

Hetta verður tó ikki einasta tunna, sum hesir menninir sláa niður í dag, tí í kvøld verður felagstunna í Sandavági.

Fleiri myndir verða at síggja á jn.fo.