Sandoyartunnilin gongur eftir ætlan

Tað gongur eftir ætlan at gera 10,7 kilometra langa tunnilin millum Streymoynna og Sandoynna.

Teitur Samuelsen, stjóri í felagnum Eysturoyar- og sandoyartunlar, sigur við útvarpið, at asfaltarbeiðið varð liðugt áðrenn summarfrítíðina, og nú verður arbeitt við at vatntryggja tunnilin.

Betongarbeiðið er komið væl áleiðis. Portalurin á Gomlurætt er liðugt stoyptur, og arbeiðið at gera tann í Traðardali er farið í gongd.

Eisini eru fyrireikingarnar til elarbeiðið eru farnar í gongd.

Eftir ætlan skal tunnilin vera liðugur í desember 2023, og í løtun ier einki sum bendir á, at tað ikki fer at halda.