Uttanlands

SAS: Framvegis fleiri avlýsingar komandi dagarnar

Hóast verkfallið hjá flogskiparunum er av, ganga nakrir dagar, áðrenn virksemið aftur koyrir sum vanligt, sigur skandinaviska flogfelagið – Sambært yvirlitunum hjá SAS og Vága floghavn verður Føroyaflúgvingin tikin uppaftur í dag

(Savnsmynd)

(Savnsmynd)

2022-07-19 08:20 Author image
Alda Nielsdóttir
placeholder

Í gjárkvøldið varð boðað frá, at ein semja varð gjørd millum flogskiparar og SAS, og er verkfallið, sum hevur verið seinastu tvær vikurnar, sostatt av.

SAS skrivar á heimasíðuna, at virksemið skjótast gjørligt fer at koyra aftur sum vanligt, men komandi dagarnar verða framvegis avlýsingar.

SAS sigur, at tey flogførini, sum standa til at verða avlýst orsakað av verkfallinum framvegis eru avlýst.

– Vit biðja um umbering, um tú ert ávirkaður av verkfallinum, og vit gera alt, vit kunnu fyri at hjálpa øllum á leið aftur, skrivar skandinaviska flogfelagið.

Sambært yvirlitunum hjá SAS og hjá Vága floghavn lendir eitt flogfar hjá SAS í Føroyum klokkan 12.15, og stendur SAS til at fara úr Vágum aftur klokkan 13.05.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder