SAS: Samráðingarnar nærkast endanum

SAS er í løtuni í samráðingum við flogskiparar, sum hava verið í verkfalli seinastu tvær vikurnar.

Seint í gjárkvøldið fóru partarnir hvør til sítt eftir drúgvum samráðingum, og samráðingarleiðarin hjá SAS, Marianne Hernæs sigur, sambært Ritzau, at SAS vil hava eina semju í lag í dag, annars finst eingin loysn.

Tað verður áyrgdarleyst, tá SAS missur so nógvar pengar, sigur hon. Higartil hevur verkfallið kostað SAS upp móti eina milliard krónur.

– Tað verður ábyrgdarleyst at halda fram. Hesum nærkast vit í dag. Tað er ein sera, sera álvarsom støðu. Vit hava verið í samráðingum í tríggjar-fýra vikur og í stríð í yvir tvær vikur.

Og umboð hjá flogskiparunum eru samdir um, at samráðingarnar mugu fáa ein enda.

Henrik Thyregod, formaður fyri flogskipararnar í Danmark, sigur, at samráðingarnar noyðast at fáa ein enda skjótt, tí hetta er óvirðiligt.

Martin Lindgren, ið umboðar svenskar flogskiparar sigur, at síðsta samráðingarumfarið verður í dag.