Sáttmáli gjørdur fyri sløkkiliðsfólk á Vága floghavn

Á sumri í fjør gjørdu Føroya Arbeiðsgevarafelag og Starvsfelagið avtalu um at yvirtaka sáttmálaviðurskiftini hjá sløkkiliðsfólkum hjá Vága Floghavn, sum frammanundan vóru skipað undir avtalu millum Vága Floghavn og danska fakfelagið HK.

Hetta seinasta árið hava Føroya Arbeiðsgevarafelag og Starvsfelagið arbeitt við at skriva ein fullfíggjaðan kollektivan sáttmála, og týsdagin 12. desember varð komið á mál við hesum arbeiði, tá partarnir skrivaðu undir nýggjan sáttmála, skrivar Vinnuhúsið.

Sáttmálin kann sigast upp av báðum pørtum við 3 mánaða freist, tó í fyrsta lagi 1. januar 2025.