Sáttmáli undirskrivaður við Metrostav Norge

Sáttmáli varð í morgun undirskrivaður millum J&K Petersen og Metrostav Norge.

Nýggi undirveitarin skal bora, tryggja og vatntryggja nýggja tunnilin millum Ørðavík og Fámjin.

Metrostav Norge hevur drúgvar royndir innan tunnilsarbeiði. Móðurfelagið, Metrostav, er eitt stórt sentralevropiskt byggifelag, við nærum 5.000 starvsfólkum og verkætlanum í 15 evropiskum londum, skrivar J&K Petersen í tíðindaskrivi.

Sagt verður, at J&K Petersen sær fram til nýggja samstarvið, og bjóða tey Metrostav Norge vælkomið til Føroyar.