Saudiarabiski krúnprinsurin stuðlar Ukraina

Saudiarabiski krúnprinsurin, Mohammed bin Salman boðar í dag frá, at Saudiarabia letur 400 milliónir dollarar – góðar tríggjar miliardir krónur – í neyðhjálp til Ukraina.

Sambært Ritzau hevur saudiarabiski krúnprinsurin tosað í telefon við ukrainska forsetan, Volodymyr Zelenskyj fríggjadagin.

Krúnprinsurin segði m.a. við Zelenskyj, at hann og land hansara fóru at hjálpa við øllum, Ukraina hevði tørv á. Eisini segði hann, at Saudiarabia er til reiðar at átaka sær leiklutin sum semingsmaður undir krígnum millum Russland og Ukraina.