Seglbátur fekk sleip til Tvøroyri

Um middagsleitið í dag fekk MRCC fráboðan um, at ein seglbátur var neyðstaddur eystan fyri Suðuroynna.

Hann var á veg á Tvøroyri og hevði fingið maskinsteðg og seglskaða, og bað tí um sleip. Eisini var brúk fyri at fáa persón umborð fluttan við tyrlu á sjúkrahús.

Tyrlan hjá Atlantic Airways varð boðsend, og eisini luttóku Rescue Royndin og Stapin í bjargingini.