Seks filmar tilnevndir til norrøna filmsvirðisløn

Seks filmar eru í ár tilnevndir til filmsvirðisløn Norðurlandaráðsins. Hesaferð er ein grønlendskur filmur eisini tilnevndur.

Norðurlandaráðið hevur síðan 2002 havt eina filmsvirðisløn við millum virðislønirnar, sum verða handaðar á hvørjum ári í sambandi við ársfundin hjá ráðnum. Hesaferð eru talan um tveir heimildarfilmar og fýra spælifilmar, sum eru innstillaðir.

Teir innstillaðu eru:

Danmark: “Min arv bor i dig”, sum dansk-iranska Roja Pakari hevur leikstjórnað og skrivað handritið til.

Finland: “Kuolleet lehdet” (Fallin bløð), sum Ari Kaurismäki hevur skrivað og leikstjórnað.

Grønland: “Twice Colonized” – dokumentarfilmur, sum Lin Alluna hevur gjørt. Filmurin snýr seg um inuit-advokatin, Aaju Peter, sum stríðist fyri rættindini hjá fólki sínum.

Ísland: “Snerting” eftir leikstjóran Baltasar Kormákur.

Noreg: “Sex” eftir Dag Johan Haugerud.

Svøríki: “Passage” eftir Levan Akin.

Filmsvirðislønin er 300.000 danskar krónur. Vinnarin verður avdúkaður 22. oktober í Reykjavík.