Seks fólk dripin undir minningarhaldi í Myanmar

Í nátt vórðu í minsta lagi seks mótmælisfólk dripin av løgregluni í Myanmar, tá túsundatals stríðsfólk gjørdi ímóti útfaringarbanninum fyri at minnast teimum, sum vórðu dripin, tá herurin tók valdið í landinum.

Sambært lokalum miðlum, varð skotið eftir mótmælisfólkunum, sum savnaðust uttanfyri einari løgreglustøð í Yangon, størsti býurin og fyrrverandi høvuðsstaðurin í landinum, fyri at krevja, at fongslaðu mótmælisfólkini verða leyslatin.

Trý vórðu eisini dripin í sambandi við einum øðrum mótmæli í Mandalay, ið er næststørsti býur í landinum.

Tilsamans eru uml. 75 fólk dripin undir ófriðinum í Myanmar, skrivar Ritzau.

Túsundatals fólk savnaðust fríggjakvøldið í Yangon fyri at tendra ljós til minnis um tey, sum hava latið lív seinastu vikurnar. Fólk savnaðust eisini í øðrum býum.

(Mynd: EPA)

Ófriður hevur verið í Myanmar, síðan herurin tók valdið í landinum 1. februar og handtók m.a. demokratiskt valda leiðaran Aung San Suu Kyi. Mótmælisfólkini krevja, at Suu Kyi verður leyslatin, og at stjórn hennara sleppur til valdið aftur.