Innanlands

Seks noktaðu at lata seg kanna

Myndugleikarnir høvdu ikki neyðugu heimildina at tvinga fólk at lata seg kanna, tá eitt flogfar kom í Vágum seinnapartin. 125 fólk játtaðu at lata seg kanna, meðan seks ikki vildu

(Savnsmynd: Jens Kr. Vang)

(Savnsmynd: Jens Kr. Vang)

2020-06-27 23:22 Author image
Sverri Egholm
placeholder

Øll sum koma til landið skulu kannast fyri korona frá 27. juni at roknað, ljóðaðu boðini fyrr í hesum mánaðinum. Men tá fyrsta flogfarið kom í Vágum í dag, var avtalan millum kanningarstovuna Thetis og Heilsumálaráðið ikki góðkend av Dátueftirlitinum.

Tað visti útvarpið í kvøld.

Tí kundu tey, sum stóðu fyri kanningunum á flogvøllinum seinnapartin bara heita á ferðafólkini um at lata seg kanna.

Pál Weihe, sum er læknafakligur ábyrgdarpersónur fyri kooronakanningarnar, sigur við útvarpið, at 125 fólk lótu seg kanna, meðan seks fólk ikki vildu. Hetta eitt nú tí tey mettu seg kunna vísa á eina nýggja koronakanning.

Avtalan millum Heilsumálaráðið og Thetis er nú góðkend, so tvungna skipanin, har øll ferðandi skulu kannast, er nú farin at virka.

placeholder
placeholder