Seks tilburðir staðfestir í gjár

Í gjár vóru seks nýggir tilburðir staðfestir, vísa nýggjastu tølini hjá landslæknanum.

Allir persónar eru smittaðir í Føroyum av kendum smittukeldum, verður upplýst.

Síðan í gjár eru fýra persónar eisini staðfestir frískir aftur, og sostatt eru 89 persónar staðfestir smittaðir í Føroyum í løtuni. Eingin er innlagdur.

689 kanningar vóru gjørdar seinasta døgnið. 175 persónar eru í sóttarhaldi í løtuni.