Semingsuppskot lagt fyri partarnar

Seinni í kvøld verður væntandi greitt, hvat úrslitið verður av semingini, sum Semingsstovnurin í dag hevur tikið upp millum tey fimm arbeiðarafeløgini og Føroya Arbeiðsgevarafelag.

Partarnir hava fingið eitt semingsuppskot at taka støðu til, og tað ganga ikki nógvir tímar til vit vita, um vit hava eina semju ella ikki, segði Terje Sigurðsson, semingsmaður, við útvarpið fyri løtu síðan.

Hann sigur, at partarnir hava flutt seg nokk til at tað eru útlit fyri at fáa eina semju.