Semja um sáttmálar við handilsskipum

Seinnapartin í gjár var semja undirskrivað millum Reiðarafelagið fyri Handilsskip øðrumegin og Føroya Skipara- og Navigatørfelag og Maskinmeistarafelagið hinumegin.

Talan er um nýggjar sáttmálar fyri navigatørar og maskinmeistarar við handilsskipum, harundir farmaskipum, ferðamannaskipum og skipum í frálandavinnu.

Sáttmálaskeiðið er tvey ár og karmurin um semjuna er 2,05 prosent fyrra árið og 1,25 prosent seinna árið.

Umframt generellu lønarhækkingina er yvirtíðargjaldið hækkað við 5 prosentum, viðbót til einameistarar er hækkað við 232 krónum og annar stýrimaður við veitingarskipum er innplaseraður í lønartalvuna.

Nýggju sáttmálarnir koma í gildi 1. mars 2021.