Sera hált í morgun

Tað hevur fryst í nátt, og løgreglan ávarar bilførarar um at koyra varligt í hálkuni.

Í morgun, beint eftir klokkan 7 fór gleið ein bilur av vegnum, tá hann var á veg fram við Sørvágsvatn í Vágum, vanliga róptur Vatnavegurin.

- Har er ekstremt hált í morgun, sigur vaktleiðarin á løgreglustøðini.

Løgregla og sjúkrabilur var sendur til ferðsluóhappið, men onki bendir tó á, at nakar í bilinum hevur fingið skaða.