Serliga nógv í Streymoynni

Nógv fleiri tilburðir vóru staðfestir fríggjadagin enn tað hava verið í longri tíð. 63 tilburðir vóru staðfestir, og tølini fyri leygardagin vóru longu lægri aftur, tá 34 fólk vóru testað positiv.

Men okkurt bendir á, at koronukanningarnar sum kommunurnar í Vestmanna og Kvívík saman við Sjúkrahúsverkinum skipaðu fyri lokalt fríggjadagin hava tænt sínum endamáli.

Í øllum førum vóru tað heilir 20 tilburðir staðfestir í Norðstreymoy fríggjadagin, vísa hagtølini hjá korona.fo. Hetta er hægsta talið á tilburðum í økinum síðani hetta útbrotið byjaði um miðjan oktober.

(Mynd: Google)

Orsaka av nógvu smittuni í økinum, varð Vestmanna skúli stongdur í vikuni, og letur ikki upp aftur fyrr enn 5. desember.

Eisini vóru 23 tilburðir staðfestir í Suðurstreymoy, sum er tað mesta síðani fyrst í november.

Fleiri hagtøl síggjast á korona.fo.