Á nýggjárinum verður vaktarskifti á rektaragongini á Fróðskaparsetri Føroya, tá Chik Collins leggur frá sær, og Martin Zachariasen tekur við.
Í hesum sambandi bjóðar Fróðskaparsetrið til almenna hátíðarløtu í Kongshøll á Vestaru bryggju í Havn í komandi viku.
Tá fer Setrið at takka Chik Collins fyri tað stóra íkastið, sum hann hevur givið Setrinum, síðan hann tók við sum rektari á heysti 2019, og bjóða Martini Zachariasen vælkomnum, skrivar Fróðskaparsetrið í tíðindaskrivi.
Hátíðarløtan verður týsdagin 13. desember klokkan 15. Røður verða hildnar, og okkurt gott verður eisini at fáa, skrivar Fróðskaparsetrið.
Vinarliga broyt tínar kennifíla - og privatlívsstillingar fyri at síggja hetta innihald