Sigrun Gunnarsdóttir sýnir fram í Nuuk

Undir heitinum ”Tað sum hjartað sær, gloymist ei” letur listaframsýning upp í Nuuk Kunstmuseum 23. august, har Sigrun Gunnarsdóttir sýnir fram 13 av sínum listaverkum.

Við íblástri úr føroysku og grønlensku náttúruni og fólkalívinum, er myndavavið sera fjølbroytt.

Í løtuni verður heimildarfilmurin ”Heartist” gjørdur um listakvinnuna, og er framsýningin í Nuuk ein liður í hesi verkætlan.

Tá framsýningin letur upp týsdagin klokkan 16, fer kenda songkvinnan Ivaana (Ivaana Kristiansen Olsen) at framføra.

Framsýningin er opin til og við 4. september.