Agnar Prestá
Ísland vil serliga:
1. Sláa garð um fólkaræði - stríðast móti "fake news"
2. Verja tað lívfrøðiliga margfeldni
3. Styrkja kunnleikan í teimum norðurlendsku málunum
Ísland fer at royna at leita eftir svarinum uppá, hvussu mynduleikar, politikkarar og annað í samfelagnum kunnu handfara, tá villeiðandi og skeiv tíðindi verða borin. Í hesum førinum verður tað norðurlendska samstarvið kanna, og hvussu londini kunnu hjálpast við hesum.
Les eisini: Her eru vinnararnir av virðislønum Norðurlandaráðsins
Silja Dögg Gunnarsdóttir sigur, at dentur verður eisini lagdur á, at hugfanga ung í Norðurlondum í arbeiðnum við lívfrøðiliga margfeldninum. Og so er tað málið:
Kanningar vísa, at nábúgvarnir skilja verri og verri hvønn annan - bæði málsliga og skrivliga. Nýggja forkvinnan sigur, at hetta er ørkymlandi. Silja Dögg Gunnarsdóttir undirstrikar, at um ein skilur málini hjá hvørjum øðrum, fæst eisini ein dýpri fatan av hvørjum øðrum.
Silja Dögg Gunnarsdóttir avloysir Hans Wallmark úr Svøríki í ovasta sessinum í Norðurlandaráðnum. Oddný Harðardóttir er varaforkvinna. Silja Dögg Gunnarsdóttir hevur sitið í Altinginum síðani 2013.
Norðurlandaráðið er tað almenna samstarvið millum Norðurlondini. Ráðið hevur 87 limir, ið koma frá Danmark, Finnlandi, Íslandi, Noreg, Svøríki, Føroyum, Grønlandi og Álandi. Jaspur Langgaard úr Sambandsflokkinum og Høgni Hoydal úr Tjóðveldi eru føroysku umboðini í ráðnum.
Vinarliga broyt tínar kennifíla - og privatlívsstillingar fyri at síggja hetta innihald