Símun gjørdist ársins fyrsta tøkni-pisa

Símun Heinesen, ið gongur á tøknibreytini (HT) á Tekniska Skúla í Klaksvík, fekk í morgun húgvuna á høvdið, sum ársins fyrsta tøkni-pisa.

Tað var lærarin í Tøkni A, Jens Pauli Joensen, ið gav honum húgvuna.

Prógvini verða, sum siður er og veðrið er til vildar, handað í viðarlundini úti í Grøv í morgin kl. 13. Aftaná er drekkamuður á skúlanum.