Ingi Samuelsen
Løgmansskrivstovan hevur enn ikki gjørt viðmerkingar til nýggjastu tíðindini um støðuna millum Ukreina og Russland.
Men í gjárkvøldið hevði løgmaður hesa fráboðanina, har vónað framvegis varð at finna fram til eina samráðingarsemju.
"Støðan í Eysturukreina og á markinum millum Ukreina og Russland er sera álvarsom. Enn vónar landsstýrið, at diplomatisku royndirnar at finna eina loysn fara at eydnast, so tað slepst undan einum vanlukkuligum stríði í Evropa.
Tað hevur týdning, at sjálvsavgerðarrætturin hjá Ukreina verður virdur. Altjóða lóg er við til at borga fyri rættvísi, tryggleika og stabiliteti í heimssamfelagnum. Ikki minst fyri smátjóðir sum Føroyar, er tað umráðandi, at altjóða lóg verður vird og hildin. Tí tekur landsstýrið frástøðu frá russisku framferðini í Eysturukreina og fordømir framdu brotini á altjóða lóg.”
Støðan í økinum broytist støðugt. Landsstýrið fylgir tí nevyt við gongdini, og metir so hvørt um støðuna.
Vinarliga broyt tínar kennifíla - og privatlívsstillingar fyri at síggja hetta innihald