Sjey koyrdu ov skjótt í gjár

Fyrrapartin í gjár gjørdi løgreglan ferðmátingar í Eysturoynni, og har vórðu sjey mál skrivað. Tað var í Saltangará í einum øki, har hámarksferðin var 30 km/t.

Seks bilførarar fingu klipp fyri at koyra millum 50 og 53 km/t, meðan ein fekk treytaða frádøming fyri at koyra 61 km/t.

Um kvøldið tók løgreglan eisini ein bilførara fyri at koyra ávirkaður av øðrum enn rúsdrekka, sigur vaktleiðarin á løgreglustøðini í Havn.

Í gjárkvøldið og í morgun varð eisini boðað frá hálku, og í hesum sambandi hava verið onkur smærri ferðsluóhapp, men tað hevur ikki verið nakað álvarsligt, sigur vaktleiðarin.

Koyrilíkindini hjá Landsverki síggjast her.