Innanlands

Sjóhiti verður nú lagdur til kommunalu bygningarnar í Leirvík

Bygningarnir liggja frá skúlanum/Giljagarði og inn til Miðstøðina hjá Nánd. Møguleiki verður eisini hjá borgarum at knýta seg í skipanina, ið er 10 prosent bíligari enn oljufýringar

(Mynd: Pól Sundskarð)

(Mynd: Pól Sundskarð)

2020-01-23 17:58 Author image
Agnar Prestá
placeholder

Skipanin fer eisini at dálka væl minni, og hon veitir veitir tveir triðingar av hitanum úr sjónum, meðan ein triðingur er el-orka. 70 prosent av hitanum frá einari sjóhitaskipan er frá grønari og varandi orku, skrivar Eysturkommuna á heimasíðu sínari.

Hetta er nakað, ið arbeitt hevur verið við í longri tíð, og nú er kunning send út um, at verkætlanin av álvara er farin í gongd. Eysturkommuna hevur viðtikið at fara undir at veita fjarhita til kommunalu bygningarnar í Leirvík, sum liggja frá skúlanum/Giljagarði og inn til Miðstøðina hjá Nánd. 

Kommunan skrivar, at verkætlanin er skipað soleiðis, at tað seinni verður møguligt hjá allari bygdini at knýta í hana, um áhugi er fyri tí. 

Les meira um hvussu verkætlanin verður framd her

 

placeholder
placeholder