Sjómansmissiónin skal hava nýggjan formann

Seinastu árini hevur Gunnar K. Nattestad í Sandavági verið formaður fyri landstoymið hjá Føroysku Sjómansmissiónini, og hann leggur nú formanssessin frá sær.

Trúboðin skrivar, at Gunnar K. Nattestad leggur formansessin frá sær um ársskiftið og fer úr landstoyminum eftir sjómanskvinnustevnuna fram móti sumri næsta ár.

Hann gleðist um, at sjómansmissiónin hevur ein so ágrýtnan og dugnaligan trúboðara í Torleifi Johannesen, og at landstoymið er so væl mannað.

Umframt Gunnar eru í landstoyminum Henry Christiansen í Leirvík, Óluva Foldbo í Havn, Sólrun Poulsen í Havn, Jákup Jakobsen á Toftum og Jóhanna Næs í Miðvági.

Væntandi verður nýggjur formaður ella nýggj forkvinna vald/ur í næstum, skrivar Trúðboðin.