Sjúrður Højgaard leggur bíbliutýðing fram

Í 16 ár hevur Sjúrður Højgaard arbeitt við at týða King James Bíbliuna, og nú kemur hon út í síni aðru útgávu, prentað í góðskuútgávu í Hollandi hjá Royal Jongbloed.

Í tí sambandi verður skipað fyri útgávufundi, har fólk fáa møguleikan at hoyra hví Sjúrður hevur gjørt hetta arbeiðið og lagt so mikla orku í tað.

Tiltakið er ókeypis, og tekur ein góðan tíma. Høvi verður at ogna sær eintak av útgávuni.

Útgávufundurin verður í Løkshøll í Runavík hóskvøldið 10. oktober klokkan 20.30.