Sjúrður og Edmund á fundi við løgmálaráðharran

Hóast Sjúrður Skaale og Edmund Joensen umboða hvør sín flokk og politiska áskoðan á Fólkatingi, sita teir, tá ið samanum kemur, sum umboð fyri alt Føroyar, og hurðarnar á gongini eru altíð opnar fyri samstarvi har tað ber til.

Í dag vóru teir báðir á fundi við danska løgmálaráðharran, Nick Hækkerup um sonevndu ‘fleirársavtaluna’ fyri politiið, sum eisini partvíst ásetir fíggjarkarmin fyri føroysku løgregluna.

Fólkatingsmenninir vístu á ábøturnar, sum føroyska løgreglan hevur gjørt vart við, og nú verður arbeitt víðari við at nútímansgera arbeiðsumstøðurnar og tólini hjá løgrgluni við komandi avtaluni, verður sagt í tíðindaskrivi.