Skaðar fyri 341 milliardir krónur

Ódnin Milton, sum rakti amerikanska statin Florida mikudagin, hevur elvt til skaðar fyri upp í 50 milliardir dollarar, sum svarar til beint yvir 341 milliardir krónur.

Tað meta serfrøðingar sambært amerikanska forsetanum Joe Biden.

Sambært amerikonsku myndugleikunum hava í minsta lagi 17 fólk latið lív í ódnini. Yvir tvær milliónir húsarhald og virki mistu streymin, og fleiri øki eru undir vatni.

(Mynd: EPA)

Ron DeSantis, guvernørur í Florida sigur sambært USA Today, at tað kundi verið verri, men at tey nú hava nógv arbeiði fyri framman.

– Har er skaði, har er nógv, sum skal gerast, segði hann á tíðindafundi fríggjadagin.

(Mynd: EPA)