Skal taka koyrikortið av nýggjum

Ein bilførari misti í gjár koyrikortið treytað. Tað gjørdi hann, tí hann koyrdi 105 km/t á vegastrekkinum frá Norðrasta Horni til Gamla Velbastaðarvegin, har hámarksferðin herfyri varð lækkað niður í 60 km/t.

Aðrastaðni í landinum vóru eisini bilførarar, sum koyrdu ov skjótt. Á Skipanesi varð ein máldur at koyra 80 km/t í bygdum øki. Tað gevur klipp.

Í Søldarfirði vórðu tvey mál skrivað. Har koyrdu bilførarar ávikavist 74 km/t og 76 km/t. Hetta gevur eisini klipp.