Skalvalop í fronsku alpunum: Í minsta lagi fimm fólk latið lív

Eitt skalvalop á Armancette jøklinum nærindis fjallinum Mont Blanc í Landsynningsfraklandi kravdi í gjár í minsta lagi fimm mannalív.

Umframt tey fimm, sum lótu lív, er ein persónur saknaður, og fleiri onnur fingu skaða og vórðu flutt á sjúkrahús.

Hetta hendi um middagsleitið í gjár, og fjallabjargarar arbeiddu allan dagin í gjár, og heldur leitingin eftir saknaða persóninum fram í dag.

Millum tey, sum lótu lív í skalvalopinum í gjár vórðu tveir lokalir og sera royndir ferðaleiðarar, skrivar BBC.

Bæði franski innlendismálaráðharrin, Gérald Darmanin og franski forsetin, Emmanuel Macron hava sýnt samkenslu við familjunum hjá teimum deyðu.