Skeyt skarv í fjørðuni

Hóast tað er er loyvt at skjóta svartfugl í hesum mánaðinum, so merkir hetta ikki, at ein kann ganga við byrsu fram við landi og skjóta fugl.

Hetta sigur vaktleiðarin á løgreglustøðini, nú løgreglan seinnapartin í gjár var í Klaksvík og leitaði eftir ‚einum manspersóni’, sum skjeyt skarv í fjørðuni.

Tað er loyvt at skjóta svartfugl hesa tíðina, men hetta skal gerast eitt ávíst metratal frá landi, greiðir vaktleiðarin frá.

Løgreglufólkini leitaðu eftir byrsumanninum, sóu nógvar deyðar skarvar, men funnu ongantíð fram á ‚manspersónin’, sum hevði skotið.