Skifti í donsku stjórnini

Ane Halsboe-Jørgensen, ráðkvinna í útbúgvingar- og granskingarmálum í donsku stjórnini, verður í dag tilnevnd til nýggja ráðkvinnu í menta- og kirkjumálum. Hon avloysir Joy Mogensen, sum leggur frá sær eftir egnum ynski.

Danmarks Radio skrivar, at Metta Frederiksen, forsætisráðkvinna fyrrapartin fer at kunngera skiftið.

Samstundis verður politiski framsøgumaðurin hjá danska javnaðarflokkinum á Fólkatingi, Jesper Petersen, tilnevndur til nýggjan útbúgvingar- og granskingarmálaráðharra.

38 ára gamla Ane Halsboe-Jørgensen varð vald á fólkating fyri Socialdemokratiet í 2011, og varð vald til ráðkvinnu eftir fólkatingsvalið í 2019.

Jesper Petersen er 39 ár og hevur siti á tingi síðan 2007. Frá 2007 og 2013 umboðaði hann Socialistisk Folkeparti, men skifti til Socialdemokratiet. 

Jesper Petersen