Skipa fyri sorgarbólki í Vesturkirkjuni

Vesturkirkjan bjóðar nú vaksnum, ið hava mist ein av sínum kæru, at koma í ein sorgarbólk. 

Hesum boðar Fólkakirkjan frá. Talan er um eitt ókeypis tilboð.

- Vit savnast sjey ferðir, har ymisk evnir verða tikin upp, og har hvør luttakari hevur høvi at tosa um sína støð.

Ætlanin við sorgarbólkinum er, at man hevur møguleika at møta øðrum, sum hava mist og finna stuðul. Til ber at tosa um alt tað, sum er torført og eisini hoyra um, hvussu onnur hava tað. 

Tað verða Hanus á Gørðum, sjúkrahúsprestur  Ann Hermansdóttir, studentaprestur, sum fara at leiða bólkin. Tað er hjá teimum, at man skal tilmelda seg, skrivar Fólkakirkjan.

Miðað verður eftir at byrjað 30 apríl.