Skipara- og Navigatørfelagið og Reiðarafelag fara undir samráðingar í næstu viku

1. apríl fer sáttmálin fyri fiskiskip úr gildi. Hetta av tí, at Skipara- og Navigatørfelagið seint í fjør valdi at siga hann upp. 

Harvið skal semja finnast um nýggjan sáttmála, og gongd er í málinum. 

Kringvarpið skrivar í dag, at Føroya Skipara- og Navigatørfelag og Føroya Reiðarafelag fyrrpartin lótu hvørjum øðrum sáttmálakrøvini, og at semja er um at fara undir realitetssamráðingar.

Byrjað verður fyrrapartin fríggjadagin 11. mars í hølunum hjá Føroya Skipara- og Navigatørfelag, skrivar kvf.fo.