Skoda fingið nýtt umboð í Føroyum

Broytingar fara fram innan bilar í Føroyum. Fyri stuttum yvirtók Bilrøkt umboð upp á Kia, og nú skiftir enn eitt merki bilasølu.

Tað er Bilasølan, sum heldur til á Vegnum Langa í Hoyvík, sum nú eisini umboðar bilmerkið Škoda í Føroyum.

Volkswagen keypti í 2000 øll partabrøvini í Skoda. Bilasølan umboðar longu frammanundan Volkswagen, sum er millum mest seldu bilar í Føroyum.

Umboðið umfatar alt frá sølu av bilum til verkstaðstænastu og sølu av eykalutum.

Undanfarnu árini hevur Nordbil havt umboð upp á Skoda.