Uttanlands

Skotbardagi við synagogu í Týsklandi

Tvey fólk eru deyð í býnum Halle - óvissa valdar um hvat er hent

(Mynd: EPA)

(Mynd: EPA)

2019-10-09 15:05 Author image
Ingi Samuelsen

Í Týsklandi óttast tey fyri, at talan var um yvirgang, tá tvey fólk vórðu dripin í ella nærhendis jødisku synagoguni í býnum Halle fyrr í dag.

Stór óvissa er enn um, júst hvat, ið hendi. Men talan var um skotbardaga í býnum Halle, har løgreglan hevur handtikið ein persón, men tað verður eisini leitað eftir einum ella tveimum øðrum persónum, ið eru flýggjaðir í einum bili.

Sambært týska blaðnum Spiegel vórðu ein maður og ein kona dripin við synagoguna í Halle. Roynt varð eisini at tveita eina handgranat inn í jødisku kirkjuna. Í dag verður jødiskiska heilagaða játíðin Yom Kippur hildin.

Menn í herbúnum royndu at sleppa inn í synagoguna, men tá tað ikki eydnaðist fóru teir at skjóta uttanfyri, skrivar dr.dk. Millum 70 og 80 fólk vóru stødd inni í synagoguni, tá tilburðurinhendi.

Ein sjónvarpsstøð og fleiri netmilðar hava víst eitt videobrot, har ein gerningsmaður letur fleiri skot av móti einum ókendum máli úti á gøtuni í Halle.

Halle liggur í landslutinum Sachsen-Anhalt, har løgreglufólk í hópatali nú eru farin undir at finna gerningsmenninar.

Talan er eisini um, at skot eru latin av í býnum Landsberg, sum ikki liggur so langt frá Halle. Hildið verður, at gerningsmenninir møguliga eru flýggjaðir við kós móti býnum Leipzig.

[object Object]
(Mynd: EPA) 

placeholder
placeholder