Alda Nielsdóttir
Í Skotlandi er undirtøkan fyri loysing minkað við fýra prosentum, men ein meiriluti tekur framvegis undir við fullveldi, vísir ein kanning, sum varð almannkunngjørd í dag.
Sambært meiningakanningini, sum Savanta ComRes hevur gjørt fyri The Scotsman, tóku 47 prosent av teimum spurdu undir við loysing frá restina av Stórabretlandi, meðan 42 prosent søgdu seg vera ímóti (fýra prosent fleiri enn áður). 10 prosent siga seg ikki hava tikið støðu til málið, skrivar Reuters.
Tá skotar atkvøddu um fullveldi í 2014 vóru 45 prosent fyri, meðan 55 prosent vóru ímóti, men orsakað av Brexit og handfaringini hjá bretsku stjórnini av koronakreppuni, er undirtøkan fyri skotskum fullveldi vaksin.
Limir í skotska tjóðskaparflokkin, SNP, siga seg nú vilja hava enn eina fólkaatkvøðu um fullveldi, men bretski forsætisráðharrin, Boris Johnson sigur seg vera ímóti at skipa fyri nýggjari fólkaatkvøðu, tá so stutt tíð er liðin, síðan seinast.
Les eisini: Sturgeon fer eftir fólkaatkvøðu
Vinarliga broyt tínar kennifíla - og privatlívsstillingar fyri at síggja hetta innihald