Skottilburður á serbiskum skúla

Í morgun hevur ein skottilburður verið á einum skúla í serbiska høvuðsstaðnum Beograd.

Níggju persónar hava latið lív – átta skúlanæmingar og eitt trygdarfólk. Umframt tey níggju, ið lótu lív, vórðu seks aðrir næmingar og ein lærari særd og flutt á sjúkrahúsið.

Drápsmaðurin, ið er ein 14 ára gamal drongur, varð handtikin.

Slík hópskotdráp koma ikki ofta fyri í Serbia, sum hava eina sera stranga vápnalóg. Men í vestara parti av Balkan finnast kortini hundraðtúsundatals ólóglig vápn orsakað av kríggi og ófriði í 90unum, skrivar tíðindastovan Reuters.