Skottilburður í Berlin: Í minsta lagi fýra særd

Í týska høvuðsstaðnum Berlin eru í minsta lagi fýra fólk særd eftir ein skottilburð í býnum tíðliga í morgun.

Løgreglan í Berlin veit enn ikki, hvør stendur aftanfyri, av tí at brotsmenninir rýmdu av staðnum. Leitað verður í løtuni eftir teimum.

Skotið varð nærindis høvuðssætinum hjá sosialdemokratiska flokkinum (SPD) í Kreuzberg býarpartinum. Talsfólk hjá løgregluni sigur tó, sambært Ritzau, at einki bendir á, at brotsmenninir høvdu eitt politiskt motiv.

Tey særdu eru nú koyrd á sjúkrahús.