Skoytibreytin er opin til og við 1. mars

Einasta skoytibreytin í Føroyum fer skjótt at lata aftur fyri hesuferð. 

Norðlýsið skrivar í dag, at breytin við nýggja Biskopstorgið í Klaksvík hevur opið til og við 1. mars, ið er týsdagin.

- Skoytubreytin hevur verið sera væl vitjað í ár. Nærum 7.000 vaksin og børn hava roynt seg á ísinum í ár, og tað er sjálvandi gleðiligt, at fólk úr øllum landinum hava tikið so væl ímóti hesum møguleikanum.

Opið er frá klokkan tíggju til 20 í morgin, leygardagin, og hinar dagarnar frá klokkan 15 til 20.