Skuldsettur fyri at hava selt rættindi til sjónvarpsrásir uttan loyvi

Føroya Politi hevur skuldsett ein 49 ára gamlan mann í Havn, fyri brot á upphavsrættin, tí hann í fleiri førum hevur selt rætttindi til sjónvarpsrásir, uttan loyvi frá ánaranum av upphavsrættinum.

Hesum boðar løgreglan frá í tíðindaskrivi seinnapartin.

Politiið hevur lagt hald á ymiska tekniska útgerð, sum nú verður kannað nærri, fyri at fáa greiðu á, hvussu umfatandi lógarbrotið er.

Skuldsetti játtar seg partvís sekan í skuldsetingini. 

Politiið hevur ikki fleiri viðmerkingar til málið í løtuni.