Skuldsettur fyri harðskap móti løgreglufólki

Í gjárkvøldið, stutt eftir klokkan 20, varð ein maður handtikin fyri at sláa eitt løgreglufólk.

Hetta hendi, eftir at løgreglan fekk eina fráboðan um eina illstøðu á einum skeinkistaði í Havn. Tá løgreglan skuldi handtaka ein mann fyri brot á skilhaldsreglurnar, legði ein annar seg ímillum og sló eitt løgreglufólk undir vangan.

Vaktleiðarin á løgreglustøðini í Havn sigur, at báðir vóru ávirkaðir av rúsdrekka. Tann eini maðurin er síðani blivin skuldsettur og leyslatin aftur, men hin liggur enn á løgreglustøðini, og hann verður avhoyrdur seinni og kann væntast at verða skuldsettur fyri harðskap móti einum løgreglufólki.