Skuldsettur fyri hóttanir eftir lívinum

Løgreglan fekk um hálvgun fýra tíðina í nátt eina fráboðan um ein truplan gest, sum eitt vertshús í Klaksvík hevði koyrt á dyr.

Hann stóð uttanfyri vertshúsið og hótti. Ein patrulja hjá løgregluni fór framvið og tað vísti seg at maðurin hevði knív uppi á sær, og hevði hótt við honum.

Vaktleiðarin á løgreglustøðini greiðir frá, at persónurin hevði við knívinum víst, hvat hann skuldi gera við honum.

Løgreglan hevur lagt hald á knívin, og maðurin er skuldsettur fyri hóttanir eftir lívinum.