Skuldsettur fyri rúsdrekkakoyring

Ein bilførari í Suðuroynni er í nátt handtikin og skuldsettur fyri rúsdrekkakoyring.

Tað var í sambandi við eitt ferðsluóhapp, sum varð fráboðað um midnáttarleitið. Ein bilur var farin út av Froðbiarvegnum og var endaður á síðuni.

Bilførarin var farin av staðnum, men løgreglan fann fram til føraran og handtók hann eftirfylgjandi á einum bústaði, sigur vaktleiðarin á løgreglustøðini í Havn.